Skömmu fyrir miðnætti var ekið á umferðarskilti í Hlíðahverfi. Tilkynnandi sagði að ökumaðurinn hefði gengið á brott frá vettvangi. Meintur ökumaður var handtekinn skammt frá og var hann vistaður í fangaklefa. Þegar verið var að færa hann í fangaklefa hafði hann í hótunum við lögreglumenn og verður hann kærður fyrir þær hótanir.

Á öðrum tímanum var ekið á kyrrstæða bifreið í Miðborginni og síðan á brott. Akstur tjónvalds var stöðvaður skömmu síðar og var hann handtekinn en hann er grunaður um að hafa verið undir áhrifum fíkniefna. Hann var vistaður í fangageymslu.

Þrír ökumenn voru að auki handteknir í nótt grunaðir um að vera undir áhrifum áfengis og/eða fíkniefna.