Á tíunda tímanum í gærkvöldi var hellusteini kastað inn um glugga á veitingastað í Miðborginni. Steinninn lenti á enni eins viðskiptavinar og blæddi mikið úr. Gerandinn var farinn af vettvangi þegar lögreglan kom.

Á níunda tímanum í gærkvöldi voru tveir menn handteknir í Laugardalshverfi en þeir eru grunaðir um hylmingu, brot á lyfjalögum og vörslu fíkniefna. Þeir voru vistaðir í fangageymslu.

Þrír ökumenn voru handteknir grunaðir um að vera undir áhrifum áfengis og/eða fíkniefna.  Tveir þeirra reyndust vera sviptir ökuréttindum.

Í Kópavogi var maður handtekinn á níunda tímanum grunaður um að innbrot og þjófnað. Hann var vistaður í fangageymslu.