Síðdegis í gær var fernt handtekið í Háaleitis- og Bústaðahverfi grunað um nytjastuld á ökutæki og þjófnað. Allt var fólkið vistað í fangageymslu.

Á Miklubraut var ekið á bifreið á sjöunda tímanum og stakk tjónvaldur af frá vettvangi.

Á tíunda tímanum voru tveir fluttir á lögreglustöð eftir að tilkynnt var um slagsmál í Hlíðahverfi. Viðkomandi var sleppt eftir viðræður á lögreglustöðinni.

Einn var handtekinn í Miðborginni á öðrum tímanum í nótt eftir að hafa ekið á móti rauðu ljósi. Viðkomandi er grunaður um ölvun við akstur.

Á fjórða tímanum fauk vinnupallur á bifreið í miðborginni.

Á tólfa tímanum var tilkynnt um heimilisófrið í Grafarholti. Við athugun lögreglu kom í ljós að svo var ekki, það var verið að spila tölvuleik með tilheyrandi hávaða.

Einn var handtekinn í Grafarholti á tólfta tímanum en sá er grunaður um akstur undir áhrifum ávana- og fíkniefna.