Vandræðagangur var á upplýsingafundi almannavarna en útsendingin rofnaði óvænt áður en honum lauk. Eftir að reynt var að laga útsendinguna í rúmt korter var ákveðið að ljúka fundinum fyrr en ætlaði.

Það sem þríeykið náði þó að koma til skila var sama og venjulega þegar bakslag sem þetta verður í faraldrinum og smitin hafa rokið upp: Víðir sagði fólki að hengja ekki haus og Þórólfur hvatti til samstöðu.

Víðir sagði á fundinum að það stefni í að álagið á heilbrigðiskerfið verði meira en það ræður við, það sé ástæðan fyrir þessum hertu aðgerðum. Þá sagði hann að það þýði ekkert að hengja haus og vera fúll, óumflýanlegt hafi verið að herða aðgerðir. Líkt og Þórólfur þá hvatti Víðir fólk til þess að sýna samstöðu.

Þórólfur benti á að 320 smit hafi greinst undanfarna tvo sólarhringa en flest smitin hafa greinst á höfuðborgarsvæðinu. Hann segir afleiðinguna af útbreiddu smiti sé aukin fjöldi innlagna, eða heil 2% smitaðra.