Frekar rólegt var hjá lögreglunni á kvöld- og næturvaktinni en þó var maður stunginn í Miðborginni. Í tilkynningu frá lögreglunni segir að tilkynnt hafi verið um slagsmál í Miðborginni. Allir málsaðilar hafi verið farnir af vettvangi þegar lögreglan kom en nokkru seinna var tilkynnt um aðila sem hafði verið stunginn í Miðborginni. Það reyndist vera árásarþolinn frá því í fyrrgreindum slagsmálum. Hann var fluttur á sjúkrahús en er ekki talinn alvarlega slasaður. Málið er í rannsókn.

Einn var vistaður í fangaklefa en hann var í annarlegu ástandi og er grunaður um skemmdarverk.

Fjórir ökumenn voru handteknir grunaðir um akstur undir áhrifum áfengis og/eða fíkniefna.