Skömmu fyrir klukkan 18 í gær varð fimm bíla árekstur í Háaleitis- og Bústaðahverfi. Tjónvaldurinn var handtekinn en hann er grunaður um ölvun við akstur og ítrekaðan akstur án gildra ökuréttinda. Hann var vistaður í fangageymslu. Ekki liggja fyrir upplýsingar um meiðsl.

Um klukkan 23 var ung kona í annarlegu ástandi handtekin í Miðborginni en ítrekað hafði verið tilkynnt um konuna vegna þess hversu slæmu ástandi hún var í. Lögreglumenn reyndu að aka henni heim en það tókst ekki og var hún því vistuð í fangageymslu.

Á fjórða tímanum í nótt var ungur maður í annarlegu ástandi handtekinn í Hlíðahverfi. Hann var vistaður í fangageymslu.

Einn ökumaður var handtekinn síðdegis í gær grunaður um að vera undir áhrifum fíkniefna og akstur sviptur ökuréttindum.