Á sjötta tímanum í gær var tilkynnt um mann sem áreitti börn á íþróttaæfingu í Reykjavík. Hann var farinn af vettvangi þegar lögreglan kom. Einnig var tilkynnt um sömu hegðun mannsins á miðvikudaginn.

Lögreglan hafði afskipti af ölvuðu ungmenni sem reyndi að komast inn á skólaball. Viðkomandi viðhafði ógnandi hegðun gagnvart lögreglumönnum. Var hann fluttur á lögreglustöð og sóttu foreldrar hann.

Einn var staðinn að þjófnaði úr matvöruverslun. Málið var afgreitt á vettvangi.

Afskipti voru höfð af karli og konu vegna brots á lyfjalögum og vörslu fíkniefna.

Þrír voru handteknir grunaðir um akstur undir áhrifum fíkniefna. Einn þeirra reyndist vera sviptur ökuréttindum og var einnig kærður fyrir brot á vopnalögum og fyrir vörslu fíkniefna. Annar var einnig kærður fyrir vörslu fíkniefna.