55 einstaklingar greindust með Covid-19 hér á landi í gær. 386 manns eru nú í einangrun og 1.987 eru í sóttkví. Nýgengi innanlandssmita er komið upp í 128,7 en nýgengi landamærasmita er 7,4.
Á meðal þeirra sem greindust með veiruna í gær eru 24 fullbólusettir en 31 óbólusettur. 39 af þeim sem smituðust voru í sóttkví við greiningu en 16 manns voru utan sóttkvíar.
Níu manns liggja nú á Landspítalanum vegna kórónuveirunnar en þar af er einn á gjörgæslu.
