Á þriðja tímanum í nótt voru tveir handteknir í Háaleitis- og Bústaðahverfi grunaðir um líkamsárás. Þeir voru vistaðir í fangageymslu. Síðdegis í gær var tilkynnt um innbrot í heimahús í Árbæ. Málið er í rannsókn.

Á sjötta tímanum í gær var tilkynnt um þjófnað á rafskútu utan við verslunarmiðstöð. Eftirlitsmyndavélar eru á vettvangi og náðust myndir af því þegar rafskútunni var stolið.

Skömmu eftir miðnætti var bifreið ekið á vegg í Árbæ. Ökumaðurinn meiddist minniháttar. Flytja þurfti bifreiðina af vettvangi með kranabifreið.

Þrír ökumenn voru handteknir í nótt grunaðir um ölvun við akstur.