Miðvikudagur 03.mars 2021
Fréttir

Svandís er ráðalaus: Leigutakinn borgar ekki og það eru einhverjir aðrir í íbúðinni – „Þetta er bara hústaka“

Ágúst Borgþór Sverrisson
Miðvikudaginn 27. janúar 2021 21:45

Samsett mynd DV. Peningaseðlar og Vesturbærinn.

Ekki missa af Helstu tíðindum dagsins í pósthólfið þitt

Lesa nánar

Svandís Bergmannsdóttir segir farir sínar ekki sléttar af samskiptum við leigutaka. Einstaklingur sem tók á leigu íbúð sem hún á í Vesturbænum borgaði ekki leiguna um áramótin. Hann býr erlendis, að sögn Svandísar svarar hann ekki tölvupóstum frá henni, en í íbúðinni er fólk sem Svandís kannast ekki við.

„Þetta er bara hústaka í dag,“ segir Svandís í samtali við DV. Segir hún að það dýpki vandann að ekki var gerður skriflegur leigusamningur. Að hennar sögn var það að ósk leigutakans. Hann hafi síðan borgað fyrstu mánuðina og engin vandamál komið upp fyrr en um áramótin, þ.e. síðustu mánaðamót.

„Ég sem leigusali er bara ráðalaus. Veit ekki hvað ég get gert. Það er sex mánaða uppsagnarfrestur á samningi en ég er ekki viss um hver staðan er í dag. Ég get ekki farið fram á útburð hjá sýslumanni af því það er ekki til leigusamningur. Og löggan vill ekki gera neitt.“

Svandís á fleiri húseignir sem hún leigir út og segist hún lenda ótrúlega oft í vandræðum með leigjendur. „Það er um að gera að hafa skriflegan samning og tryggingu,“ segir hún og ætlar ekki að gera þau mistök aftur að leigja út íbúð samkvæmt munnlegum samningi.

Svandís ritar fyrirspurn vegna málsins í Facebook-hópinn Leiga, sem í eru yfir 60 þúsund manns. Þar eru skiptar skoðanir um hverjir séu möguleikarnir í stöðunni. Þeir sem eru vel að sér í húsaleigulögunum virðast þó hitta naglann á höfuðið. Bent er á að samkvæmt 10. grein laganna teljist þeir sem ekki hafa gert skriflegan leigusamning hafa gert „ótímabundinn leigusamning og gilda öll ákvæði laganna um réttarsamband þeirra.“

Ef leigandi greiðir ekki leiguna á réttum gjalddaga getur leigusali birt honum skriflega áskorun um að greiða. Ef hann sinnir ekki þeirri áskorun innan sjö daga getur leigusalinn rift samningnum (61. gr.). Að þeim fresti liðnum skal leigutakinn rýma húsnæðið. Þegar svo væri málum komið ætti að vera hægt að fara fram á útburðarheimild frá sýslumanni.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 18 klukkutímum

Enn skelfur Reykjanesskaginn – Skjálfti upp á 4,4

Enn skelfur Reykjanesskaginn – Skjálfti upp á 4,4
Fréttir
Fyrir 19 klukkutímum

Kýldi öryggisvörð í andlitið – Gripdeild í miðborginni

Kýldi öryggisvörð í andlitið – Gripdeild í miðborginni
Fréttir
Í gær

Rauðagerðismorðið: Einn í farbann

Rauðagerðismorðið: Einn í farbann
Fréttir
Í gær

Dæmdir til að borga upp feitan yfirdrátt – Bensinn og loftpessurnar dugðu skammt

Dæmdir til að borga upp feitan yfirdrátt – Bensinn og loftpessurnar dugðu skammt