Skömmu fyrir klukkan fimm í nótt var tilkynnt um umferðaróhapp og bifreið á hvolfi á Rauðarárstíg. Enginn var á vettvangi þegar lögreglan kom þangað. Bifreiðin var fjarlægð með dráttarbifreið.

Á ellefta tímanum hafði lögreglan afskipti af manni á hótelherbergi í miðborginni. Hann er grunaður um vörslu fíkniefna.

Á sjöunda tímanum í gær var maður handtekinn í húsi í miðborginni. Hann var ölvaður og óvelkominn í húsinu. Hann var vistaður í fangageymslu.

Þrír ökumenn voru handteknir í gærkvöldi og nótt grunaðir um að vera undir áhrifum áfengis og/eða fíkniefna.  Einn þeirra er einnig grunaður um vörslu fíkniefna og annar um ítrekaðan akstur sviptur ökuréttindum.