„Ég hef aldrei skilið þetta tal margra á Íslandi að brezka konungsfjölskyldan sé úrelt fyrirbæri. Hver segir að þetta sé úrelt? Konungdæmið er hluti af sjálfsmynd og sögu Breta; þjóðarvitundinni. Um leið og konungdæmið verður úrelt að mati þegnanna og hættir að vera hluti af vitund þeirra sem þjóðar, er það búið spil. Það er Breta að meta það hvenær og hvort konungdæmið er úrelt. Margar þjóðir halda í hefðir og fyrirbæri, sem tengir nútímafólk við fortíð og sögu,“ skrifar Sveinn Andri en hann segir breska hagkerfið vera í miklum plús þegar kemur að konungsfjölskyldunni. Túristar hafa mikinn áhuga á henni og heimsækja margir ferðamenn landið einungis vegna áhuga á fjölskyldunni.
„Það er alþekkt í sumum fjölskyldum er ekki tekið á andlegum vandmálum sem koma upp hjá einstökum meðlimum; þeim er í einhverri skömm eða út af stolti sópað undir teppið. Það virðist vera tilfellið í þessari fjölskyldu. Meghan á alla mína samúð og Harry er traustur eiginmaður að hafa komið spúsu sinni til hjálpar. Það var meira en karl faðir hans gerði,“ en þarna vitnar hann líklegast í þegar Karl Bretaprins, faðir Harry, veitti Díönu, eiginkonu sinni, ekki mikla aðstoð þegar hún kom inn í fjölskylduna.
