Á sjöunda tímanum í gær var ekið á kyrrstæða bifreið við vínbúð í Bústaðahverfi. Tjónvaldur  var sagður hafa farið inn í verslunina og skömmu síðar ekið frá vettvangi. Lögreglan hafði afskipti af honum skömmu síðar og handtók hann. Hann var vistaður í fangageymslu vegna rannsóknar málsins.

Á sjöunda tímanum var ekið á ljósastaur í Hafnarfirði. Kalla varð slökkvilið á vettvang vegna olíuleka og starfsmenn frá HS Veitum komu á vettvang vegna ljósastaursins. Farþegi í bifreiðinni fann til eymsla í fæti og ætlaði sjálfur að koma sér á Bráðadeild ef þörf væri á.

Á ellefta tímanum voru afskipti höfð af ökumanni í Hlíðahverfi en í hjá honum fundust meint fíkniefni.

Á fyrsta tímanum í nótt voru afskipti höfð af tveimur mönnum sem eru grunaðir um þjófnað úr verslun í Kópavogi og vörslu fíkniefna og brot á vopnalögum.