Lögreglumenn í Hafnarfirði þurftu að beita piparúða í nótt þegar reynt var að hindra störf hennar. málið hófst skömmu fyrir klukkan 2 þegar akstur ökumanns var stöðvaður en sá var grunaður um að vera undir áhrifum vímuefna. Farþegar í bifreiðinni hlýddu ekki fyrirmælum lögreglunnar og hindruðu störf hennar á vettvangi. Þeir reyndu meðal annars að komast inn í lögreglubifreið og að hindra að lögreglan kæmist á brott með handtekinn aðila. Var piparúða beitt til að ná stjórn á vettvangi. Þetta kemur fram í dagbók lögreglunnar.

Einn ökumaður til viðbótar var handtekinn í nótt, grunaður um að vera undir áhrifum vímuefna.