Aðeins þrjú innanlandssmit greindust síðasta sólarhring, sem eru töluvert færri en í gær þegar tíu greindust. Allir þrír voru í sóttkví. Svipað mörg sýni voru tekin síðasta sólarhring og sólarhringinn þar á undan.

Hins vegar greindust fjórtán á landamærunum. Fimm voru með virkt smit, tveir með mótefni og beðið er mótefnamælingar frá hinum sjö

Í dag eru 143 í einangrun hér á landi og 351 í sóttkví.

Í ánægjulegri þróun má sjá að enginn er í einangrun sem er eldri en 79 ára og aðeins þrír sem eru fimm ára eða yngri.