Á sjötta tímanum í gær hafði lögreglan afskipti af manni sem er grunaður um líkamsárás og brot á sóttvarnarlögum. Hann er grunaður um að hafa hrækt í andlit vagnstjóra hjá Strætó.

Á sjöunda tímanum í gær hafði lögreglan afskipti af tveimur aðilum sem eru grunaðir um brot á skyldum fólks sem er í sóttkví. Aðilarnir áttu að vera í skimunarsóttkví til 24. september en skráðu sig úr sóttvarnarhúsi og fóru í strætisvagni að heimili sínu. Viðkomandi voru fluttir aftur í sóttvarnarhúsið og verða kærðir fyrir athæfið.