Laust eftir klukkan ellefu í gærkvöld hafði lögreglan afskipti af öfurölvi manni í hverfi 105 í Reykjavík. Maðurinn gat ekki gert grein fyrir sér eða hvar hann byggi. Þá sagðist maðurinn vera smitaður af Covid-19 en sagði síðan að það væri bara grín. Maðurinn var vistaður sökum ástands í fangageymslu lögreglu.
Þetta kemur fram í Dagbók Lögreglunnar á höfuðborgarsvæðinu. Um hálfvöleytið í nótt var maður í annarlegu ástandi handtekinn í miðbænum í Reykjavík grunaður um eignaspjöll og brot á vopnalögum. Maðurinn sagðist vera smitaður af Covid-19 er lögreglumenn höfðu af honum afskipti en sýndi engin merki um smit. Maðurinn var vistaður fyrir rannsókn máls í fangageymslu lögreglu.
Um hálfþrjúleytið í nótt var bíll stöðvaður í Kópavogi. Ökumaðurinn er grunaður um akstur undir áhrifum fíkniefna og farþegi er grunaður um vörslu fíkniefna. Bæði ökumaður og farþegi eru aðeins 17 ára og var málið unnið með aðkomu foreldra og tilkynningu til Barnaverndar.
Í gærkvöld var tilkynnt um ofurölvi konu til vandræða í hverfi 110. Ekki náðist að koma konunni heim sökum ástands og varð hún að gista í fangageymslu lögreglu meðan ástand hennar batnar.
