fbpx
Sunnudagur 31.maí 2020
Fréttir

Vilhjálmur læknir varar við – „Síminn er stundum þriðja óhreina höndin þín“

Ágúst Borgþór Sverrisson
Þriðjudaginn 7. apríl 2020 15:54

Ekki missa af Helstu tíðindum dagsins í pósthólfið þitt

Lesa nánar

Fólk hefur misjafnar hugmyndir um hve langt það eigi að ganga í sóttvörnum og sumir eru ráðvilltir í þeim efnum. Heyrst hefur af fólki sem sótthreinsar allan varning sem það kaupir, sprittar til dæmis mjólkurfernurnar áður en þær eru settar inn í ísskáp.

Við ræddum þetta stuttlega við Vilhjálm Ara Arason heimilislækni sem mjög hefur látið sig skipta smitvarnir og matvælaöryggi. Hefur hann skrifað töluvert um það síðarnefnda í bloggdálkum Eyjunnar. Vilhjálmur bendir á að handþvottur og sprittun séu mikilvægasta almenna forvörnin. Vilhjámur segir:

„Það getur verið mikilvægt að spritta líka allar vörupakkningar sem fara óopnaðar síðan í notkun eða skammtíma geymslu, eins og t.d. í ísskápinn. Hins vegar ef vörupakkning er strax opnuð og innihald losað, skiptir meira máli að þvo og spritta hendur eftir að ytri pakkningu hefur verið fleygt í ruslið. Plastumbúðir geta verið varasamari en oft vitum við ekki hvernig varan var handfjötluð af öðrum í flutningi. Eftir geymslu í nokkurn tíma ætti hins vegar öllu að vera óhætt.“

Vilhjálmur bendir á að aðgátar sé þörf við notkun fjölnota innkaupapoka:

„Rétt er að benda á mikilvægi þess að skipta daglega um fjölnota innkaupapoka og geyma hann síðan í 2-3 daga eða þvo. Innkaupapokarnir geta nefnilega verið eins og geymslusvampur fyrir sýkla og jafnvel veirur eins og Covid-19.“

Að lokum bendir Vilhjálmur á hættuna sem snjallsímar geta valdið:

„Snjallsímar geta verið varasamir og þú ert að leggja símann frá þér hvar sem er, en veist ekki t.d. um öryggi borðplötunnar. Sérstaklega á þetta við um stærri vinnustaði og heilbrigðisstofnanir. Síminn er stundum þriðja óhreina höndin þín sem ber sérstaklega að varast.“

Rétt er að árétta að gegn öllum þessum hættum eru nýþvegnar og sprittaðar hendur besta forvörnin.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 2 dögum

ASÍ segir að Icelandair geti ekki gengið framhjá Flugfreyjufélagi Íslands

ASÍ segir að Icelandair geti ekki gengið framhjá Flugfreyjufélagi Íslands
Fréttir
Fyrir 2 dögum

Danir opna fyrir Íslendingum en ekki er allt sem sýnist

Danir opna fyrir Íslendingum en ekki er allt sem sýnist
Fréttir
Fyrir 3 dögum

Neyðarlínan kölluð á teppið – „Almenningur á skilið að það sé hlustað og brugðist við“

Neyðarlínan kölluð á teppið – „Almenningur á skilið að það sé hlustað og brugðist við“
Fréttir
Fyrir 3 dögum

Ferðamenn borgi fyrir skimunina sjálfir

Ferðamenn borgi fyrir skimunina sjálfir
Fréttir
Fyrir 3 dögum

Guðmundur Víðir er látinn

Guðmundur Víðir er látinn
Fréttir
Fyrir 4 dögum

Fjórir handteknir í Garðabæ

Fjórir handteknir í Garðabæ