Kona nokkur deildi myndinni sem sjá má hér fyrir neðan í Facebook-hóp sem tileinkaður er skordúrum á Íslandi en kvikindið virðist vera ansi stórt. „Hvað er þetta stórt?!“ sagði einn meðlimur hópsins og ljóst er að myndin vekur upp óhug. „Þetta lítur út fyrir að vera risavaxið á þessari mynd,“ segir annar meðlimur í hópnum. Sú sem tók myndina baðst undan því að koma fram undir nafni en í samtali við DV sagðist hún hafa farið með kvikindið á Náttúrustofnun.
Eins og áður segir þá virðist vera sem um asískan ofurkakkalakka sé að ræða. Asísku ofurkakkalakkarnir eiga það til að ferðast hægar en aðrar tegundir kakkalakka. Þeir eru oft fundnir í kringum fúið náttúrulegt efni, í holræsum, niðurföllum og á öðrum rökum stöðum, bæði innan dyra og utan. Asíski ofurkakkalakkinn er algengt meindýr í bæði vestur- og suðurhluta Bandaríkjanna.
Svo asíski ofurkakkalakkinn geti lifað af þá þarf hann stað til að fela sig á. Þeir vilja helst vera á heitum og rökum stöðum. Kjörhitastigið þeirra er um 20-29 gráður á celsíus svo það er ekki víst að kakkalakkinn geti lifað vel hér á landi, sérstaklega ekki á þessum tíma árs.