Á áttunda tímanum í gærkvöldi voru þrír menn handteknir í Reykjavík, grunaðir um sölu og dreifingu fíkniefna. Þeir voru vistaðir í fangaklefum vegna rannsóknar málsins. Á öðrum tímanum í nótt voru þrír menn handteknir í Bústaðahverfi, grunaðir um fjárkúgun og frelsissviptingu. Þeir voru vistaðir í fangaklefum vegna rannsóknar málsins.

Æstur maður var handtekinn í miðborginni á tólfta tímanum en hann var í annarlegri vímu. Hann var vistaður í fangageymslu. Á tíunda tímanum var maður handtekinn í Bústaðahverfi, grunaður um að dvelja ólöglega hér á landi. Hann var vistaður í fangaklefa.

Tveir ökumenn voru handteknir í gærkvöldi og nótt, grunaðir um að vera undir áhrifum lyfja og fíkniefna.

Kvartað var undan samkvæmishávaða á tveimur stöðum í miðborginni og Hlíðahverfi í nótt og á einum stað í Hafnarfirði.

Einn var handtekinn í gærkvöldi, grunaður um eignaspjöll og var hann vistaður í fangageymslu.

Einn var handtekinn í vegna líkamsárásar á tíunda tímanum í gærkvöldi og var sá vistaður í fangageymslu.