fbpx
Laugardagur 05.júlí 2025
Fréttir

Sakar héraðsdóm um gerendameðvirkni í nauðgunarmáli – „Enn einu sinni er nauðgarinn orðinn að fórnarlambi í íslensku réttarkerfi“

Ágúst Borgþór Sverrisson
Laugardaginn 21. nóvember 2020 18:00

Héraðsdómur Vestfjarða

Ekki missa af Helstu tíðindum dagsins í pósthólfið þitt

Lesa nánar

„Enn einu sinni er nauðgarinn orðinn að fórnarlambi í íslensku réttarkerfi,“ segir Guðbjörn Guðbjörnsson, yfirtollvörður og óperusöngvari, í tilefni af dómi í nauðgunarmáli sem féll við Héraðsdóm Vestfjarða á föstudaginn. Dóttir Guðbjörns var þolandi nauðgunar og tjáði hann sig um það mál og afstöðu réttarkerfisins til kynferðisbrota í viðtali við DV árið 2017.

Guðbjörn segir ennfremur um dóminn, sem við fjöllum um hér að neðan:

„Fyrir vikið er ekki annað hægt að hafa ógeð á dómsvaldinu, sem virðist ekki hafa áhuga á að réttlætis sé leitað fyrir fórnarlömb nauðgana.
Það er sorglegt að þurfa að horfa upp á þetta eftir alla umræðuna undanfarin ár.“
Í dómnum var maður fundinn sekur um að hafa misnotað mjög gróflega traust vinkonu sinnar er hann fór með hendi undir nærbuxur hennar er hún svaf og stakk fingri inn í leggöng hennar. Konan vaknaði við aðfarirnar, sagði vinum sínum frá því sem hafði gerst og kærði málið til lögreglu.
Maðurinn hélt því fram að vinkona hans hefði verið vakandi er hann hóf þessar tilfæringar og hafi ekki brugðist illa við í fyrstu. Hélt hann því jafnframt fram að hún hafi verið í efnislitlum og eggjandi klæðnaði. Konan hélt því hins vegar fram að hún hafi verið kappklædd miðað við að hún var að leggjast til svefns.
Konan og maðurinn voru trúnaðarvinir og hafði hún trúað honum fyrir ýmsum vandamálum sínum. Hún hafði hins vegar engan áhuga á ástarsambandi við hann. Maðurinn taldi ekki útséð um samband, hafði áhuga, en hafði ekki látið reyna á áhuga konunnar. Þetta kvöld má segja að hann hafi þröngvað sé heim til konunnar og var hann drukkinn. Hún umbar að hann legðist til svefns í rúmi hennar og lagðist sjálf til svefns við hlið hans. Hún vaknaði síðan við framangreindar aðfarir. Rak hún hann á dyr í kjölfarið.

Vorkunnsemi héraðsdóms

Héraðdómi þótt skýrt, að virtum framburði konunnar og framburði vitna, meðal annars fagfólks sem konan leitaði til vegna áfallsins af kynferðisbrotinu, að atburðarás hefði verið eins og konan lýsti henni. Var maðurinn fundinn sekur. Í niðurstöðu dómsins segir síðan:

„Eins og mál þetta horfir við dóminum hefur brot ákærða ekki aðeins markað djúp spor í sálarlíf brotaþola heldur og sálarlíf ákærða og valdið þeim báðum miklu áfalli. Vinskapur þeirra virðist hafa verið náinn og þeim báðum mjög dýmætur. Þau áttu trúnað hvors annars og litu á hvort annað sem sinn besta vin. Bæði voru gersamlega niðurbrotin þegar þau gáfu skýrslur fyrir dómi og er það álit dómsins að eftir standi tveir laskaðir einstaklingar, sem líði enn í dag afskaplega illa og muni seint jafna sig á því sem ákærði gerði umrædda nótt. Framburður vina þeirra og fjölskyldumeðlima styður þá ályktun.
Að öllu þessu gættu hefur dómurinn, eins og hér stendur sérstaklega á, verulegar efasemdir um að afplánun refsingar geti þjónað sérstökum hagsmunum brotaþola eða almennum hagsmunum annarra. Þykir því rétt að ákveða að fresta fullnustu refsingarinnar þannig að hún falli niður að liðnum fimm árum frá dómsbirtingu haldi ákærði almennt skilorð 57. gr. almennra hegningarlaga.“
Sem fyrr segir blöskar Guðbirni þessi vorkunnsemi héraðsdóms með gerandanum. Maðurinn var dæmdur í 18 mánaða skilorðsbundið fangelsi og til að greiða konunni eina og hálfa milljón króna í miskabætur.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Julian McMahon látinn

Nýlegt

Kyle Walker í Burnley
Fréttir
Í gær

Áráttufullur perri í Reykjavík olli konum skelfingu – „Chupa Chupa“

Áráttufullur perri í Reykjavík olli konum skelfingu – „Chupa Chupa“
Fréttir
Í gær

Gullöld Donald Trump: Allt gengur forsetanum í hag

Gullöld Donald Trump: Allt gengur forsetanum í hag
Fréttir
Fyrir 2 dögum

Hart tekist á um Fannborgarreitinn í Kópavogi – Bílastæði séu einhliða tekin af íbúum

Hart tekist á um Fannborgarreitinn í Kópavogi – Bílastæði séu einhliða tekin af íbúum
Fréttir
Fyrir 2 dögum

Þorbjörg Sigríður vill þyngja refsingar í ofbeldismálum

Þorbjörg Sigríður vill þyngja refsingar í ofbeldismálum
Fréttir
Fyrir 2 dögum

Fölsuðu bréf svo kennarar í Hofsstaðaskóla gætu fengið styrk til Frakklandsferðar – Kenna undirverktaka um

Fölsuðu bréf svo kennarar í Hofsstaðaskóla gætu fengið styrk til Frakklandsferðar – Kenna undirverktaka um
Fréttir
Fyrir 2 dögum

Rússar breyta um taktík – Írönsku drónarnir verða sífellt hættulegri

Rússar breyta um taktík – Írönsku drónarnir verða sífellt hættulegri