Eldur kom upp í raðhúsi í Kópavogi á fjórða tímanum í nótt. Töluverður eldur var í húsinu og teygðu eldtungur sig upp í þakið. Íbúum tókst að komast út af sjálfsdáðum og var enginn fluttur á slysadeild.
RÚV skýrir frá þessu. Fram kemur að talið sé að töluvert tjón hafi orðið í eldsvoðanum. Slökkviliðinu tókst að ráða niðurlögum eldsins um klukkan fjögur en er enn með vakt á vettvangi.