42 greindust innanlands með virk Covid smit í gær. Aðeins um helmingur greindra voru í sóttkví við greiningu, eða 52%. 28 greindust í sýnatöku vegna einkenna og 9 í sóttkvíar- og handahófsskimun. 86 greindust innanlands í fyrradag sem var mesti fjöldi síðan 13. október. Smitin í gær voru því talsvert færri en daginn þar áður sem hljóta að teljast góðar fréttir. 2.040 sýni voru tekin.
Nýgengi smita hefur lækkað umtalsvert undanfarna vikuna og er nú 211.
62 eru nú á sjúkrahúsi, þar af tveir á gjörgæslu.
Í morgun sagði DV frá því að þrettánda dauðsfallið vegna Covid hefði átt sér stað. Í gær lést sá tólfti, og hafa því tveir látist á tveim dögum. Dauðsfallið sem tilkynnt var um í gær var maður á níræðisaldri og tengdist hann hópsmitinu á Landakoti.
Samtals hafa nú 4.719 smitast af Covid á Íslandi og eru nú 1.005 í sóttkví.