Héraðsdómur Austurlands hefur sakfellt mann fyrir hótanir í garð fyrrverandi eiginkonu sinnar. Maðurinn játaði fyrir dómi að hafa sent henni skilaboð þar sem finna mátti hótanir í hennar garð.

Skilaboðin voru send í gegnum SMS og smáskilaboðaforritið Facebook Messenger þann 29. febrúar og 2. mars á þessu ári.

Skilaboðin sem maðurinn var dæmdur fyrir að senda voru:

29. febrúar á Messenger:

„Ég ætla að láta hann hverfa“
„í holu“
„Þetta er aumingi“
„og hann skal finn fyrir því“
„mér er alveg sama hvor ég enda í klefa“
„En hann fær að finna fyrir því“

og þann 2. mars með SMS:
„Það á eftir að gerast mjög ljótur atburður sem tengist þér“
„Og þar mun nafnið þitt koma fram“
„Það mu einn eða tveir deyja hann eða ég eða báðir það er á hreinu ég ætla að byrja á honum svo verð það ég þetta verður geðveikt“

Með dóminum er manninum gert að sæta 30 daga fangelsisdóms en refsing fellur niður haldi maðurinn skilorð í tvö ár. Við ákvörðun refsingar var litið til þess að maðurinn hafði ekki áður gerst brotlegur við lög, hann játaði brot sýn og bótaskyldu skýlaust og að hann hafi glímt við heilsuvandamál sem hann hefur nú leitað sér viðeigandi aðstoðar við.