Maður ógnaði starfsmanni verslunar Krambúðarinnar í Mávahlíð með eggvopni rétt eftir hádegi í dag. Þvingaði hann starfsmanninn til að afhenda sér fé og komst undan á hlaupum. Talið er að um sama mann sé að ræða og rændi skyndibitastaðinn Chido á Ægisíðu í fyrradag.
Þetta kemur fram í frétt á vef RÚV.
Haft er eftir Jóhanni Karli Þórissyni aðstoðaryfirlögregluþjóni að maðurinn hafi komist burtu með á milli 10 og 20 þúsund krónur.
Lögregla leitar mannsins en hann er ófundinn.