Allir nemendur Réttarholtsskóla hafa verið sendir í sóttkví, nánar tiltekið úrvinnslusóttkví. Þetta gerist eftir að smit kom upp hjá einum nemanda skólans. Tölvupóstur sem að foreldrar nemenda fengu sendan í dag tilkynnir þetta. Þar kemur fram að þessi ákvörðun hafi verið tekin til að gæta fyllsta öryggis og varúðar.
Þá kemur einnig fram að smitaði nemandinn sé einkennalaus og að líklegast hafi hann smitast í nærumhverfi sínu.
Í póstinum kemur einnig fram að smit- og sóttvarnir hafi verið í fyrirrúmi í skólanum undanfarna daga.
Réttarholtsskóli er fyrir nemendur í 8. til 10. Bekk.
