DV barst ábending um að alvopnaðir sérveitarmenn hafi sést að störfum í Akureyri í gær. Þetta staðfestir Jóhann K. Jóhannsson, samskiptastjóri Almannavarnadeildar ríkislögreglustjóra í samtali við DV. Hann segir að sérsveit ríkislögreglustjóra hafi verið kölluð út í gær til að aðstoða Lögregluna á Norðurlandi eystra.
Lögreglan á Norðurlandi eystra segir í samtali við DV að um hafi verið að ræða aðstoð við handtöku á tveimur einstaklingum sem grunaðir eru um hafa gerst sekir um refsivert brot. Rannsókn er að sögn lögreglu enn á frumstigi og getur lögregla því veitt takmarkaðar upplýsingar en tók þó fram að aðgerðir lögreglu hafi farið fram „Í brekkunni“ og um sé að ræða mál þar sem grunur er um ofbeldi, frelsissviptingu og fleira. Aðgerðirnar fóru fram um fjögur leytið í gær.