Af nógu hefur verið að taka hjá lögreglunni í dag. Er klukkan var 57 mínútur gengin í átta var ráðist á ökumann vespu í Brekkuhverfi Kópavogs. Hlaut karlmaðurinn minniháttar áverka og skemmdist vespan í fólskulegri árásinni.
Síðar í morgun var kona handtekinn vegna gruns um akstur undir áhrifum lyfja. Við nánari eftirgrennslan kom í ljós að hún ætti við veikindi að stríða. Ökuréttindi konunnar voru afturkölluð af lögreglu.
Aðeins örfáum mínútum síðar slasaðist kona á gangi á Laugavegi. Hlaut konan áverka á höfði og var flutt á slysadeild til læknisskoðunar.
Rétt eftir eitt í dag var svo karlmaður handtekinn í hlíðunum vegna gruns um aksturs undir áhrifum fíkniefna. Við afskipti lögreglu kom í ljós að maðurinn hafði áður verið sviptur ökuréttindum og um ítrekuð brot að ræða. Við leit lögreglu fundust fíkniefni á manninum. Má maðurinn búast við talsvert hærri sekt og jafnvel fangelsisdóm vegna brota sinna.
Þá sinnti Lögregla á höfuðborgarsvæðinu verkefnum tengdum setningu Alþingis sem fram fór í dag.