Dýraeftirlitið fangaði Millý í búr á Öndverðarnesi og var dýraverndunarfélagið Villikettir Suðurlandi beðið um að taka við henni. „Við skoðuðum kisuna og þá kom í ljós að hún er örmerkt,“ segir Ása Nanna, einn sjálfboðaliði Villikatta Suðurlandi, í samtali við DV en Villikettir Suðurlandi deildu sögu Millýjar á Facebook-síðu sinni fyrr í dag. Eigandi Millýjar var bæði undrandi og glaður að fá símtalið,“ segir í færslunni.
Ása Nanna segir að þrátt fyrir að hafa verið týnd allan þennan tíma þá lítur hún þó vel út. „Hún lítur ótrúlega vel út eftir verganginn, þessi dásamlegi eilífðarunglingur.“ Eigandi Millýjar hefur nú sótt kisuna sína sem er að ná 16 ára aldri.
Þessi saga af Millý á eflaust eftir að kveikja vonarneista í hjörtum þeirra sem hafa týnt kisunni sinni. „Þið sem hafið týnt kisunni ykkar, það er alltaf von eins og þessi gleðifrétt sannar,“ segir í lok færslu Villikatta Suðurlandi á Facebook. „Við hlökkum til að fá að fylgjast með Millý áfram.“
Villikettir Suðurlandi er partur af dýraverndunarfélaginu Villikettir. „Villikettir eru komnir til að vera á Íslandi,“ segir í lýsingu á félaginu á heimasíðu þess. „Þeim hefur lítið verið sinnt fyrir utan einstaka dýravini. Viðhorf yfirvalda til þeirra hefur yfirleitt verið neikvætt og leitt til ómannúðlegra útrýmingarherferða. Flestir villikettir eru félagsdýr og hópa sig saman á svæðum þar sem einhverja fæðu er að finna. Markmið okkar er að stuðla að því að koma þessum dýrum til hjálpar með skipulegum aðgerðum.“
Hægt er að skrá sig í dýraverndunarfélagið Villikettir hér. Borgað er árlegt félagsgjald er síðan nýtt í geldingar, læknisaðstoð og skjól fyrir villikettina.