Lögreglan á höfuðborgarsvæðinu hafði í ýmsu að snúast í gærkvöldi og nótt. Handtóku lögreglumenn á Austurvelli sem áreitt hafði fólk. Maðurinn var færður í fangaklefa á lögreglustöð þar sem hann fékk að sofa úr sér.
Talsvert var um fíkniefnaakstur í borginni, eins og flest önnur kvöld. Virðist af dagbók lögreglu að dæma fíkniefnaakstur vera orðið daglegt brauð. Stöðvaði lögregla til að mynda bifreið í hverfi 105 þar sem númeraplötur á bifreiðinni voru rangar. Ökumaðurinn er grunaður um akstur bifreiðar undir áhrifum fíkniefna, að aka bifreið án ökuréttinda en maðurinn var sviptur þeim, vörslu fíkniefna og þjófnað á skráningarmerkjum og misnotkun þeirra. Bifreiðin var jafnframt ótryggð og var númeraplatan fjarlægð.
Ungir drengir í Álftamýri í Háaleitishverfi Reykjavíkur voru gripnir við að fikta við skotelda auk þess sem þeir eru grunaðir um að hafa valdið skemmdum á rafmagnshlaupahjóli. Málið var unnið með aðkomu foreldra og barnaverndar, segir lögreglan í tilkynningu.
Fleiri voru stöðvar grunaðir um akstur undir áhrifum fíkniefna, þar á meðal tveir án gildra ökuréttinda.
Þá datt kona seinnipartinn í gær af reiðhjóli og flutti sjúkrabíll hana til aðhlynningar á bráðadeild Landspítalans.