Davíð Þorláksson, bakþankahöfundur Fréttablaðsins, segir að nauðsynlegt að gefa lífvænlegum fyrirtækjum kost á því að leggjast í híði um tíma. Hann segir það vera mun ódýrari leið en gjaldþrot.

Davíð ritar:

„Þótt það stefni í að Ís­lendingar verði dug­legir að ferðast innan­lands í sumar þá er ljóst að það er langur vegur í að það geti komið í stað tekna af ferða­mönnum. Ekkert annað land á Vestur­löndum er hlut­falls­lega jafn háð ferða­mennsku eins og Ís­land.“

Davíð segir að mun kostnaðarsamara sé að stofna ný fyrirtæki til að taka við af þeim sem gætu farið í þrot í kórónuveirukreppunni en að leyfa sem sem fyrir fyrir eru að lifa af tekjuleysi og fara í gang aftur þegar ástandið verður betra. Ekkert gerist af sjálfu sér í viðskiptum eins og dæmin sanni:

„Það er lítið annað hægt að gera en að gefa þeim fyrir­tækjum, sem eru líf­væn­leg til lengri tíma, kost á því að leggjast í híði. Með því er best tryggt að auð­velt verði að setja í gang aftur og fara í öflugt markaðs­á­tak þegar ferða­lög hefjast í okkar heims­hluta. Dæmin sanna að ef fyrir­tæki fara í þrot þá getur tekið langan tíma að koma sam­bæri­legri starf­semi af stað aftur. Þannig voru arf­takar Wow air t.d. ekki komnir af stað áður en kóróna­kreppan skall á þótt það væri tæpt ár liðið frá gjald­þroti Wow.

Það gerist nefni­lega ekkert af sjálfu sér í við­skiptum. Það þarf að standa vörð um fjár­festingar, hug­vit og önnur verð­mæti svo við getum fengið vor­boðann til að koma hingað, og tekið vel á móti honum, næst þegar færi gefst.“