Fjölmennt lögreglulið leitar nú að manni í tengslum við árás á tvö börn í Kópavogi um sexleytið. Sporhundur er notaður við leitina og einnig nýtur lögreglan aðstoðar þyrlu Landhelgisgæslunnar. Maðurinn mun hafa beitt hnífi og er árásin sögð hafa verið fólskuleg.

RÚV skýrði fyrst frá málinu og sagði að samkvæmt upplýsingum frá lögreglunni hefði verið ráðist á fjórtán ára barn og að árásin hafi verið fólskuleg en barnið sé ekki í lífshættu.

Í tilkynningu frá lögreglunni segir að ráðist hafi verið á tvö börn í Örvasölum. Leitað sé að dökkklæddum manni í hettupeysu og með sólgleraugu og grímu. Talið er hugsanlegt að hann hafi farið að Vífilsstaðavatni.

Þeir sem kunna að hafa séð manninn eru beðnir um að hringja í 112.

Hér fyrir neðan eru aðsendar myndir sem sýna lögreglumenn við leit og þyrlu Landhelgisgæslunnar.