Dómur var kveðinn upp yfir tveimur mönnum þann 6. mars í Héraðsdómi Suðurlands en þeir voru ákærðir fyrir hættulega og hrottafulla líkamsárás á mann fyrir utan skemmtistað þann 29. ágúst 2016.
„Hann lá á vinstri hlið og var blóðugur í framan ogallt í kringum hann var fólk að hlúa að honum,“ sagði í frumskýrslu lögreglu af málinu. Mennirnir voru ákærður fyrir að hafa tekið manninn niður í jörðina og sparkað í andlit hans, höfuð og líkama, auk þess sem annar maðurinn var sakaður um að hafa kýlt hann margsinnis. Missti þolandinn meðvitund og hlaut bólgið nef, mar á vinstri upphandlegg, eymsli framan á vinstri öxl og margúl á hnakka og vinstri hlið höfuðs.
Þolandinn var fluttur burt af vettvangi með sjúkrabíl. Í lýsingu vitna segir meðal annars að annar ákærði hafi stöðvað slagsmál á milli þolandans og stráks inni á skemmtistaðnum. Fjölmörg vitni gáfu vitnisburð fyrir dómi en vitnisburðurinn var misjafnlega skýr. Mikil ölvun var á staðnum og sum vitnin drukkin. Þó hafði vitni séð annan ákærða sparka í brjóstkassa þolanda og fleiri urðu vitni að hrottaskap. Vitni kvaðst hafa séð hina ákærðu „berja hann á fullu…þá eru þeir báðir að sparka í hann og kýla hann á fullu.“
Vegna dráttar á rannsókn málsins voru sakborningarnir hins vegar sýknaðir af ákærunni með vísan í lagaákveði um fyrningu. Voru þeir því sýknir saka og málskotnaður greiðist úr ríkissjóði.
