Rétt fyrir klukkan þrjú í nótt var tilkynnt til lögreglu um líkamsárás í Austurstræti. Þolandi var fluttur með sjúkrabíl á slysadeild með nokkra áverka. Gerandi var farinn en upplýsingar liggja fyrir um hver hann er.
Þetta kemur fram í dagbók Lögreglunnar á höfuðborgarsvæðinu. Þar segir einnig að nóttin hafi í heild verið róleg hjá lögreglunni þrátt fyrir 68 bókuð mál og aðeins einn var vistaður í fangageymslu.
Nokkrar tilkynninga voru um slagmál í miðbænum en þau voru alltaf yfirstaðin þegar lögregla kom á vetvang. Meiðsli voru minniháttar.
Nokkrar tilkynningar voru um ofurölvi og ósjálfbjarga fólk. Í öllum tilvikum var hægt að aðstoða fólk við komast heim til sín.
