fbpx
Mánudagur 25.maí 2020
Fréttir

Sakar Reykjavíkurborg um kolsvört viðhorf til ferðaþjónustunnar

Ágúst Borgþór Sverrisson
Föstudaginn 28. febrúar 2020 16:44

Jóhannes Þór Skúlason

Ekki missa af Helstu tíðindum dagsins í pósthólfið þitt

Lesa nánar

Jóhannes Þór Skúlason, framkvæmdastjóri Samtaka ferðaþjónustunnar, dregur mjög í efa þá útreikninga fjármálasviðs Reykjavíkurborgar, þess efnis að borgin beri meiri kostnað en hagnað af komu ferðamanna til landsins. Jóhannes telur nálgun fjármálasviðs borgarinnar fráleita og sakar sviðið um kolsvört viðhorf til atvinnugreinarinnar. Pistill Jóhannesar um þetta á Facebook er eftirfarandi:

Það kom mér verulega á óvart, svo ekki sé dýpra í árina tekið, að sjá fréttir í gær um að Reykjavíkurborg sé búin að reikna það út að ferðaþjónustan valdi borginni tapi upp á marga milljarða árlega. Það eru útreikningar sem ég mun fjalla sérstaklega um síðar, en læt nægja í bili að taka fram að Samtök ferðaþjónustunnar hafna þeirri nálgun sem þar er viðhöfð. Það væri áhugavert að heyra svör við því hvort að þessi aðferðafræði við útreikning á ábata og kostnaði af atvinnugreinum sé eitthvað sem Samband íslenskra sveitarfélaga hyggst almennt styðjast við héðan í frá?

En það sem virkilega tók steininn úr voru þau augljósu og kolsvörtu viðhorf gagnvart ferðaþjónustunni sem fá að skína í gegn í minnisblaðinu frá fjármálasviði Reykjavíkurborgar sem lagt var fyrir borgarráð í gær. Í stuttu máli sagt kemur fram í texta þess órtúleg vanþekking á íslenskri ferðaþjónustunni sem atvinnugrein. Hvort sem litið er til fullyrðinga um þróun og samspil atvinnugreina sem ekki halda vatni eða alhæfinga í sleggjudómastíl um neikvæð viðbrögð fyrirtækja við reglusetningu og slæm áhrif greinarinnar á umhverfi er hreinlega óboðlegt að Reykjavíkurborg láti frá sér fara opinbert plagg sem lesandanum getur ekki annað en virst stjórnast á köflum af einhvers konar fordómum gagnvart ferðaþjónustunni.

Það er með ólíkindum að þessi stórfurðulega framsetning embættismanna borgarinnar skuli hafa flotið athugasemdalaus í gegn um fund borgarráðs, ef marka má fundargerð. Á sama fundi var lögð fram ferðamálastefna Reykjavíkurborgar, hvar er að finna ýmis fögur fyrirheit um náið samstarf við ferðaþjónustuna og mikilvægi uppbyggingar í greininni Reykjavíkurborg til heilla. Það er eins og þessi tvö skjöl sem borgarráð afgreiddi sameiginlega hafi verið skrifuð af Dr. Jekyll og herra Hyde, svo ólík er nálgunin gagnvart atvinnugreininni í hvoru skjali fyrir sig.

Það er algerlega ljóst að þetta minnisblað fjármálasviðs borgarinnar hefur rekið alvarlegan fleyg í traust þeirra sem reka ferðaþjónustufyrirtæki í Reykjavík á því að hjá stjórnendum og embættismönnum Reykjavíkurborgar sé raunverulegur vilji til uppbyggingar ferðajónustu sem atvinnugreinar í höfuðborginni. Það er afar sorglegt því að það traust er nauðsynlegt ef markmiðin góðu í ferðamalastefnunni eiga að eiga sér lífsvon.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Í gær

Þegar ég var kynskiptingur í fangelsi fyrir að kúga ráðherra

Þegar ég var kynskiptingur í fangelsi fyrir að kúga ráðherra
Fréttir
Í gær

Telur líklegt að Icelandair geti samið við flugliða utan Flugfreyjufélags Íslands

Telur líklegt að Icelandair geti samið við flugliða utan Flugfreyjufélags Íslands
Fréttir
Í gær

Eldur logaði í bíl

Eldur logaði í bíl
Fréttir
Í gær

Forsetaframbjóðandi vildi borga fimm ár fyrirfram

Forsetaframbjóðandi vildi borga fimm ár fyrirfram
Fréttir
Fyrir 2 dögum

Aðeins einn greiddi atkvæði gegn samningi

Aðeins einn greiddi atkvæði gegn samningi
Fréttir
Fyrir 2 dögum

Ragnar hljóp á sig og viðurkennir mistök – „Það kom mér á óvart hversu langt þetta er komið“

Ragnar hljóp á sig og viðurkennir mistök – „Það kom mér á óvart hversu langt þetta er komið“
Fréttir
Fyrir 3 dögum

„Flugfreyjur fá aldrei laun frá bandaríska fjárfestinum sem þær sætta sig við“

„Flugfreyjur fá aldrei laun frá bandaríska fjárfestinum sem þær sætta sig við“
Fréttir
Fyrir 3 dögum

Auðveldara en áður að hækka verð og okra á viðskiptavinum

Auðveldara en áður að hækka verð og okra á viðskiptavinum