Ríkislögreglustjóri lýsir yfir óvissustigi almannavarna fyrir allt landið. Ákvörðunin er tekin í samráði við alla lögreglustjóra landsins og í samræmi við veðurspá Veðurstofu Íslands, sem spáir aftakaveðri með appelsínugulum veðurviðvörunum um allt land.
Frá þessu greinir á heimasíðu Almannavarna. Þar segir enn fremur:
„Óvissustigi er lýst yfir þegar grunur vaknar um að eitthvað geti gerst af náttúru- eða mannavöldum, sem á síðari stigum gæti leitt til þess að heilsu og öryggi fólks, umhverfis eða byggðar er ógnað. Samráð á milli almannavarna og þeirra stofnana sem málið varðar er aukið.“
Reglulegar uppfærslur verða um veðrið á Facebook-síðu Almannavarna.
Vefur Veðurstofunnar liggur niðri þetta þetta er ritað, sem verður að teljast afar óheppilegt í undanfara óveðurs en slóðin er vedur.is