Þriðjudagur 10.desember 2019
Fréttir

Tvö mannrán á borði lögreglu: Barinn í Heiðmörk og látinn vaða út í ískalt vatnið

Ritstjórn DV
Fimmtudaginn 12. september 2019 08:48

Mynd: Eyþór Árnason

Ekki missa af Helstu tíðindum dagsins í pósthólfið þitt

Lesa nánar

Tvær tilkynningar um frelsissviptingu komu inn á borð lögreglu með skömmu millibili síðdegis í gær. Annars vegar var tilkynnt um líkamsárás í Heiðmörk og hins vegar frelsissviptingu í Borgartúni.

Klukkan rétt rúmlega 17 tilkynnti ungur maður að menn hefðu flutt sig í Heiðmörk þar sem hann var barinn með kylfu og úðavopni beitt gegn honum. Þá var hann látinn vaða út í vatn á svæðinu og var hann orðinn kaldur þegar viðbragðsaðilar komu á vettvang. Maðurinn var fluttur með sjúkrabíl á slysadeild þar sem hann fékk aðhlynningu. Að sögn lögreglu er málið í rannsókn.

Um svipað leyti var tilkynnt um frelsissviptingu sem byrjaði Borgartúni en teygði anga sína víðar. Maðurinn sem tilkynnti atvikið mun hafa verið að aka í Borgartúni þegar tvær manneskjur settust inn í bíl hans,  kona í framsæti og maður í aftursæti.

Maðurinn í aftursætinu mun hafa tekið upp eggvopn og hótað manninum.  onan fór síðan úr bifreið hans og  var manninum sagt að aka á eftir bifreið konunnar og var farið  í hverfi 113 (Grafarholt og Úlfarsárdalur) þar sem ætlunin var  að reyna að peningum árásarþola úr hraðbanka.  Síðan var honum sagt að aka að heimili sínu þar sem ofbeldismaðurinn fylgdi honum inn og stal lyfjum og fleiru. Er þeir voru á útleið aftur mun maðurinn hafa náð að loka útihurðinni á ofbeldismanninn og hringdi hann síðan í lögreglu. Málið er í rannsókn.

Fleiri mál komu inn á borð lögreglu í gærkvöldi og í nótt.

Klukkan hálf þrjú í nótt var tilkynnt um mann sem var að brjóta rúðu í bifreið í Vesturbænum. Þegar lögreglumenn komu á vettvang sat maðurinn í bifreiðinni en tjáði lögreglu að engin verðmæti væri að finna í henni. Honum væri einfaldlega kalt.

Lögregla handtók manninn og færði hann á lögreglustöðina. Hann var síðan vistaður í fangageymslu lögreglu. Að sögn lögreglu fannst opinn hnífur í vasa mannsins og þá var hann eftirlýstur hjá lögreglu vegna annarra mála.

Lögregla hafði afskipti af nokkrum ökumönnum í gærkvöldi og í nótt sem ýmist voru ölvaðir eða undir áhrifum eiturlyfja. Einn þeirra hafði ekið á kyrrstæða bifreið á Laugavegi um kvöldmatarleytið í gær en hann er grunaður um ölvunarakstur. Þá hefur hann ekki öðlast ökuréttindi og var því réttindalaus. Maðurinn var vistaður í fangaklefa.

Nokkru síðar, eða á áttunda tímanum í gærkvöldi, fékk lögregla tilkynningu frá hóteli við Laugaveg um mann í annarlegu ástandi sem hafði stolið söfnunarbauk sem hann var að reyna að opna. Lögregla handtók manninn sem lét ófriðlega og reyndi að sparka frá sér. Þá mun lögreglukona hafa fengið hráka frá manninum í andlitið. Í skeyti frá lögreglu er tekið fram að hann sé skráður „sýktur“.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 9 klukkutímum

Sigmundur Davíð bæði skúrkur og hetja

Sigmundur Davíð bæði skúrkur og hetja
Fréttir
Fyrir 9 klukkutímum

Þetta gerðist þegar Helgi Hrafn fór að horfa á umdeildan fyrirlesara

Þetta gerðist þegar Helgi Hrafn fór að horfa á umdeildan fyrirlesara
Fréttir
Fyrir 12 klukkutímum

Íslendingar taugaveiklaðir á samfélagsmiðlum yfir storminum – „Það er svo hljótt úti núna að það fríkar mig út“

Íslendingar taugaveiklaðir á samfélagsmiðlum yfir storminum – „Það er svo hljótt úti núna að það fríkar mig út“
Fréttir
Fyrir 12 klukkutímum

Fylgstu með óveðrinu í beinni

Fylgstu með óveðrinu í beinni
Fréttir
Í gær

Sigurður segir að Dagur og félagar hafi eyðilagt jólin: „Börnin voru með tárin í augunum, eitthvað hafði verið eyðilagt“

Sigurður segir að Dagur og félagar hafi eyðilagt jólin: „Börnin voru með tárin í augunum, eitthvað hafði verið eyðilagt“
Fréttir
Í gær

Betur fór en á horfðist þegar barn varð undir afturhjóli pallbíls

Betur fór en á horfðist þegar barn varð undir afturhjóli pallbíls