Fjögur börn til viðbótar hafa greinst með E. coli STEC sýkingu í dag samkvæmt tilkynningu frá sóttvarnarlækni. Börnin eru á aldrinum fjórtán mánaða til fjögurra ára. Faraldsfræðilegar upplýsingar hjá þessum börnum liggja ekki fyrir á þessari stundu en þau fara í eftirlit á Barnaspítala Hringsins.
Alls hafa sextán börn verið greind með E. coli sýkinguna. Yngsta barnið sem greinst hafði með sýkinguna fyrir daginn í dag er fimm mánaða. Hann liggur inn á Barnaspítala Hringsins og fer líðan hans versnandi.
Áður hefur verið sagt frá því að smitin hafi verið rakin til Efstadals 2, ferðaþjónustubæjar í Bláskógabyggð. Um þriðjungur starfsmanna í Efstadal voru einnig rannsakaðir í dag og greindist enginn með bakteríuna.