Lögreglan á Suðurnesjum handtók tvo íslenska karlmenn í Flugstöð Leifs Eiríkssonar í vikunni. Tollgæslan stöðvaði för þeirra vegna gruns um að þeir væru með fíkniefni innvortis og reyndist sá grunur á rökum reistur. Annar var með nokkrar pakkningar af hassi og hinn með töflur innvortis sem voru vafðar inn í sellofan.
Mennirnir voru að koma frá Alicante á Spáni. Annar þeirra var eftirlýstur af lögreglu vegna annarra mála.