Þorsteinn Halldórsson, sem í vor var sakfelldur fyrir ítrekuð brot gegn dreng á unglingsaldri, hefur verið færður til afplánunnar á Litla-Hrauni. Frá þessu greinir Fréttablaðið.

Þorsteinn afplánaði áður á Sogni en samkvæmt upplýsingum Fréttablaðsins braut Þorsteinn gegn reglum Sogns um notkun fjarskiptatækja.

Sogn er opið fangelsi og hafa foreldrar drengsins sem Þorsteinn braut gegn harðlega gagnrýnt að Þorsteinn hafi fengið að nýta sér opið úrræði þar sem hann hafi þegar verið sakfelldur fyrir brot gegn einum dreng og er einnig grunaður um brot gegn öðrum.

Litla-Hraun er öryggisfangelsi og verða réttindi Þorsteins töluvert minni við afplánun þar, heldur en þau voru á Sogni.

Þorsteinn var dæmdur í vor fyrir hrottalegt kynferðisofbeldi gegn unglingspilt. Hann bar fíkniefni í drenginn og hélt honum þannig nánast meðvitundalausum í viku. Foreldrar drengsins höfðu ítrekað reynt að koma drengnum sínum undan Þorsteini, meðal annars svarað í síma sonar síns og öskrað á Þorstein að láta drengin í friði og að fá nálgunarbann. Þorsteinn var dæmdur til sjö ára fangelsisvistar í Héraði, en dómurinn var mildaður í fimm á hálft ár í Landsrétt.i.

Í september var annað mál gegn honum þingfest í Héraðsdómi Reykjaness og þar er honum gert að sök að hafa margítrekað eða minnst í 50 skipti nauðgað unglingsdreng á tveggja ára tímabili. Er honum gert að hafa nýtt sér yfirburði sína gegn drengnum, tælt hann með gjöfum, fíkniefnum og áfengi og beitt drenginn þrýstingi og yfirgangi í þeim tilgangi að hafa við hann kynferðismök.