fbpx
Fimmtudagur 01.október 2020
Fréttir

Björn styður brottflutning albönsku konunnar og segir No Borders stuðla að sundrun samfélagsins

Ágúst Borgþór Sverrisson
Miðvikudaginn 6. nóvember 2019 12:20

Mynd Hanna DV

Ekki missa af Helstu tíðindum dagsins í pósthólfið þitt

Lesa nánar

Björn Bjarnason, fyrrverandi ráðherra, segir brottvísun þunguðu albönsku konunnar frá landinu í gær hafa verið eðlilega og bendir á að engar reglur hafi verið brotnar. Björn fer yfir málið á vefsvæði sínu og þar ýjar hann að óeðlilegu sambandi fréttastofu Ríkisútvarpsins og andstæðingar yfirvalda:

„Upphaf málsins er að sjálfsögðu að konan kom hingað með fjölskyldu sinni á ólögmætum forsendum. Þetta er ekki fyrsta dæmið um að leitast sé við að komast undan lögmætri afgreiðslu yfirvalda með því að höfða til mannúðar á almennum vettvangi. Þar er sagan öll yfirleitt ekki sögð.

Að baki upphlaupa í þágu hælisleitenda standa að jafnaði innlendir aðilar. Í fjölmiðlum segir að No Borders samtökin hafi fyrst vakið athygli á þessu máli. No Borders fengu fyrir nokkru borgarstjórann í Reykjavík til að leyfa sér að tjalda á Austurvelli, honum og öllum viðkomandi til skammar.

Þeir sem að úrlausn þessara mála starfa vita að við þessar aðstæður virðist oft beint samband milli andstæðinga yfirvaldanna og fréttastofu ríkisútvarpsins. Eftir að upplýst var um samráð milli fréttamanns og stjórnenda seðlabankans um húsleitarfrétt hjá Samherja standast vinnureglur fréttastofunnar ekki gagnrýni, jafnvel þótt formaður Blaðamannafélags Íslands leggi blessun sína yfir þær. Fréttastofunni ber að gera hreint fyrir sínum dyrum.“

Björn segir að samtökin Bo Borders sem jafnan leggja sig fram um að vekja athygli á málstað hælisleitenda ali á sundrungu í samfélaginu:

„Að nokkru leyti er um félagslega tilraunastarfsemi að ræða þar sem einstaklingurinn sem í hlut á er tæki til að ná einhverju fram sem liggur ekki alltaf í augum uppi. Þótt forráðamenn No Borders og biskup Íslands séu sammála í þessu máli er ekki þar með sagt að tilgangur þeirra sé sá sami. No Borders vill stuðla að sundrung samfélagsins en þjóðkirkjan hefur til þessa litið á sig sem afl í þágu samheldni. Vísasta leiðin til að tryggja hana er að yfirvöld fari að settum lögum og reglum eins og gert var í þessu máli.

Í þessu tilviki er gerð sérstök atlaga að læknum. Fór No Borders-fólk til dæmis í Miðstöð sóttvarna í Mjódd til að mótmæla efni læknisvottorðs þaðan!“

Björn segir að réttmætur brottflutningur hælisleitenda í nágrannalöndum sé ekki lengur fréttaefni og ekki sé lengur veist að yfirvöldum fyrir að gera skyldu sína í útlendingamálum.

Pistill Björns

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 20 klukkutímum

Stjórn GAMMA krefur fyrrum starfsmenn um endurgreiðslu bónusa

Stjórn GAMMA krefur fyrrum starfsmenn um endurgreiðslu bónusa
Fréttir
Í gær

Seldist upp á jólahlaðborð Hótel Geysis á tveim dögum – „Við erum afar þakklát fyrir þá tryggð“

Seldist upp á jólahlaðborð Hótel Geysis á tveim dögum – „Við erum afar þakklát fyrir þá tryggð“
Fréttir
Í gær

Ók á konu og hund hennar á Hörgárbraut – Greiðir tvær milljónir í bætur

Ók á konu og hund hennar á Hörgárbraut – Greiðir tvær milljónir í bætur
Fréttir
Í gær

Páll slasaðist mikið og var næstum dáinn í Færeyjum – „Ég skarst svo mikið í andliti og á höfði að það var lítið eftir“

Páll slasaðist mikið og var næstum dáinn í Færeyjum – „Ég skarst svo mikið í andliti og á höfði að það var lítið eftir“
Fréttir
Fyrir 2 dögum

Anna Valdís segir að staðan sé mjög slæm – „Við bara hræðumst þetta allt saman“

Anna Valdís segir að staðan sé mjög slæm – „Við bara hræðumst þetta allt saman“
Fréttir
Fyrir 2 dögum

Kona látin afklæðast á Keflavíkurflugvelli – Haldið í 10 tíma af lögreglu að ósekju

Kona látin afklæðast á Keflavíkurflugvelli – Haldið í 10 tíma af lögreglu að ósekju
Fréttir
Fyrir 3 dögum

Á ferð í miðborginni með stórt sverð og þrjár ferðatöskur

Á ferð í miðborginni með stórt sverð og þrjár ferðatöskur
Fréttir
Fyrir 3 dögum

Átök við Dominos Skeifunni – Sauð upp úr á milli pizzusendils og manns á rafhlaupahjóli

Átök við Dominos Skeifunni – Sauð upp úr á milli pizzusendils og manns á rafhlaupahjóli