Föstudagur 13.desember 2019
Fréttir

Þjónustustjóri hjá Isavia sagður hafa þegið þrjár og hálfa milljón í mútur

Ágúst Borgþór Sverrisson
Fimmtudaginn 21. nóvember 2019 16:33

Ljósmynd: DV/Hanna

Ekki missa af Helstu tíðindum dagsins í pósthólfið þitt

Lesa nánar

Héraðssaksóknari hefur ákært fyrirverandi þjónustustjóra hjá Isavia fyrir mútur og umboðssvik. Þetta kemur fram í frétt á RÚV. Segir í ákærunni að Isavia hafi að áeggjan þjónustustjórans fært viðskipti varðandi miða í bílastæðahlið frá norsku tæknifyrirtæki til íslensks fyrirtækis. Miðarnir frá íslenska fyrirtækinu voru miklu dýrari en hjá hinu norska og skiptu þjónustustjórinn og framkvæmdastjóri fyrirtækisins þeim ágóða á milli sín. Saksóknari segir að þegar Isavia keypti 760 þúsund aðgangsmiða í júní 2015 hafi þjónustustjórinn í krafti stöðu sinnar séð til þess að Isavia borgaði óeðlilega hátt verð.  Hann og framkvæmdastjórinn höfðu þá gert með sér samkomulag um að skipta ávinningnum á milli sín. Í frétt RÚV er framkvæmdastjóri tæknifyrirtækisins sagður hafa hagnast persónulega um 4,5 milljónir á viðskiptunum. Þjónustustjóri Isavia er sagður hafa hagnast um 3,5 milljónir á þessu athæfi.

Ákæran verður þingfest í Héraðsdómi Reykjaness í byrjun desember.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Varðskipið Þór á leið til Dalvíkur – Farið að kólna verulega í húsum

Varðskipið Þór á leið til Dalvíkur – Farið að kólna verulega í húsum
Fréttir
Í gær

Pilturinn sem féll í Núpá var að aðstoða bónda við að koma á rafmagni

Pilturinn sem féll í Núpá var að aðstoða bónda við að koma á rafmagni