Föstudagur 13.desember 2019
Fréttir

Kristinn gáttaður á framkomu Svía við Assange: „Þetta er árás á lýðræðið“

Ágúst Borgþór Sverrisson
Þriðjudaginn 19. nóvember 2019 14:03

Kristinn Hrafnsson ritstjóri WikiLeaks.

Ekki missa af Helstu tíðindum dagsins í pósthólfið þitt

Lesa nánar

Kristinn Hrafnsson, ritstjóri Wikileaks, hefur tjáð sig um þær fréttir að sænskur saksóknari hafi ákveðið að fella niður rannsókn í meintu kynferðisbrotamáli á hendur Julian Assange, stofnanda Wikileaks, sem núna situr í varðhaldi í Bretlandi og á yfir höfði sér framsal til Bandaríkjanna vegna gagnabirtinga.

Kristinn er ómyrkur í máli um framgöngu Svía gagnvart Assange og segir óskiljanlegt að málið hafi ekki verið fellt niður fyrir löngu. Skrifar hann eftirfarandi færslu á Facebook um málið:

„Ég sat áðan orðlaus yfir blaðamannafundi frá sænska saksóknaranum sem ákvað nú að fella niður rannsókn á meintu kynferðisbrotamáli Julian Assange. Þetta er sum sé í þriðja sinn sem málið er fellt niður. Saksóknarinn talaði um veikan vitnisburð hins meinta fórnarlambs og ónógar sannanir til að byggja undir málið. Það tók sum sé níu ár að komast að þessu. Þetta mál hefur lyktað frá upphafi og er rammpólitískt eins og Nilz Melzer, sérlegur fulltrúi Sameinuðu þjóðanna í málefnum pyntinga hefur sagt. Þetta er ekkert annað en réttarfarslegur skandall.

Stóra málið er -og hefur alltaf verið öll þessi ár – ákæra Trump stjórnarinnar gegn Assange þar sem krafist er 175 ára fangelsis. Hvenær ætlar fólk að vakna og sjá hversu alvarlegt það mál er? Þetta snýst ekki bara um Julian sem er núna píndur í ógeðslegri vist í mesta öryggisfangelsi Bretlands, að mestu leyti í einangrun, og bíður réttarhalda í febrúar þar sem tekist verður á um framsalskröfu bandarískra stjórnvalda.

Málið gegn Assange er byggt á njósnalöggjöfinni bandaírsku sem aldrei áður hefur verið misbeitt gegn blaðamanni. Þetta er alvarlegasta aðför að frelsi fjölmiðla á Vesturlöndum á síðari tímum. Þetta er árás á lýðræðið.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Varðskipið Þór á leið til Dalvíkur – Farið að kólna verulega í húsum

Varðskipið Þór á leið til Dalvíkur – Farið að kólna verulega í húsum
Fréttir
Í gær

Pilturinn sem féll í Núpá var að aðstoða bónda við að koma á rafmagni

Pilturinn sem féll í Núpá var að aðstoða bónda við að koma á rafmagni