Fimmtudagur 27.febrúar 2020
Fréttir

Lögreglumaðurinn Bjarni Ólafur Magnússon sýknaður af ákæru um líkamsmeiðingar af gáleysi – Keyrði á bíl ölvaðs stjórnmálamanns

Ágúst Borgþór Sverrisson
Miðvikudaginn 23. október 2019 10:20

Ingvar er til vinstri á myndinni og Bjarni til hægri

Ekki missa af Helstu tíðindum dagsins í pósthólfið þitt

Lesa nánar

Lögreglumaðurinn Bjarni Ólafur Magnússon var í morgun sýknaður af ákærum um líkamsmeiðingar af gáleysi fyrir Héraðsdómi Reykjavíkur. Héraðssaksóknari ákærði Bjarna í janúar vegna atviks sem átti sér stað í maí 2018.

Forsagan er sú að Ingvar Örn Karlsson, frambjóðandi á lista Nýs Afls í Bláskógabyggð til sveitarstjórnarkosninga, gekk berserksgang á tveggja tonna gröfu í Biskupstungum. Hann ók síðan öfurölvi burtu á bíl og veitti lögregla honum eftirför. Lögregla taldi nauðsynlegt að beita lögreglubíl til að stöðva akstur Ingvars. Í ákæru á hendur Bjarna segir að hann hafi ekið þrívegis á vinstra afturhorn bifreiðar Ingvars á allt að 95 kílómetra hraða.

Við ákeyrsluna hálsbrotnaði Ingvar og hlaut stóran skurð inn að höfuðkúpu.

Lögreglan greindi svo frá ákærunni á heimasíðu sinni í janúar á þessu ári:

„Lögreglumaður í lögreglunni á Suðurlandi sætir nú ákæru héraðssaksóknara vegna slyss sem varð þegar bifreið sem ölvaður ökumaður ók var, með lögreglubifreið, þvinguð út af Þjórsárdalsvegi í maí í fyrra og valt. Við slysið hlaut ökumaður umræddrar bifreiðar m.a. beinbrot. Lögregla býr við það að sæta skoðun á störfum sínum af hálfu ákæruvalds og eftir atvikum dómstóla í öllum sínum verkum. Það er hinn eðlilegi farvegur þessara mála innan þess réttarvörslukerfis sem lýðræðið byggir á. Yfirstjórn embættisins hefur farið yfir málið og mat hennar er að þrátt fyrir útgáfu ákærunnar sé ekki tilefni til að breyta eða færa starfsvettvang viðkomandi starfsmanns með neinum hætti meðan á meðferð málsins stendur fyrir dómi. Embættið mun að öðru leiti en þessu ekki tjá sig um málið meðan á meðferð þess stendur fyrir dómstólum.”

Lögreglumaðurinn bað um stuðning í réttarsal

Lögreglumaðurinn Bjarni Ólafur Magnússon greindi Facebook-vinum sínum frá því í gærkvöld að dómur yrði kveðinn upp í morgun. Bað hann um stuðning í réttarsalum:

„Eins og mörgum ykkar er kunnugt um var ég, í byrjun þessa árs, ákærður af héraðssakssóknara fyrir að hafa stöðvað akstur ölvaðs ökumanns með því að aka hann út af vegi. Nú er komið að því að kveðinn verði upp dómur í málinu en það verður á morgun kl.09:15 í Héraðsdómi Reykjavíkur.

Ég hef fengið mikinn og góðan stuðning sem hefur gefið mér trú og kraft.

Það væri mér afar verðmætt ef einhver ykkar, sem eigið heimangengt, mynduð láta sjá ykkur.

Með þökk, Bjarni.”

Bjarni sýknaður

Það var mat lögreglumanna að nauðsynlegt væri að stöðva akstur Invars þar sem hann væri hættulegur umhverfinu með aksturslagi sínu. Var þetta gert með samþykki varðstjóra. Bjarni hefur þjálfun í notkun þeirrar aðferðar sem beitt var, þ.e. að aka á bíl Ingars. Að mati dómsins var eðlilega staðið að verki.

Í niðurstöðu dóms Héraðsdóms Reykjavíkur í morgun segir að það sé mat dómsins að ákæruvaldið hafi ekki sýnt fram á það að ákærði hafi ekki gætt lögmætra aðgerða í lögregluaðgerðinni. Aðgerðin hafi verið unnin í samræmi við meginreglur. Beri því að sýkna Bjarna af ákærum og skal allur sakarkostnaður, þar á meðal málsvarnarlaun til lögmanns Barna, Vilhjálms Vilhjálmssonar, sem er vel yfir þrjár milljónir króna, greiddur úr ríkissjóði.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 14 klukkutímum

Var nýbúinn að kaupa bílinn þegar kviknaði í honum

Var nýbúinn að kaupa bílinn þegar kviknaði í honum
Fréttir
Fyrir 14 klukkutímum

Einar: Athyglisverð veðurspá næsta sólarhringinn – Skafbylur í höfuðborginni í kvöld

Einar: Athyglisverð veðurspá næsta sólarhringinn – Skafbylur í höfuðborginni í kvöld
Fréttir
Í gær

Björn var kallaður á teppið: „Kannski ætti ég að fara í skó áður en ég kvarta“

Björn var kallaður á teppið: „Kannski ætti ég að fara í skó áður en ég kvarta“
Fréttir
Í gær

Tekinn ölvaður með ungbarn í bílnum

Tekinn ölvaður með ungbarn í bílnum
Fréttir
Fyrir 2 dögum

Bæjarfulltrúi tjáir sig um hrottafulla árás unglinga í Kópavogi

Bæjarfulltrúi tjáir sig um hrottafulla árás unglinga í Kópavogi
Fréttir
Fyrir 2 dögum

Breytingar hjá Torgi: Davíð og Sunna láta af störfum – Kristjón Kormákur verður eini vefritstjórinn

Breytingar hjá Torgi: Davíð og Sunna láta af störfum – Kristjón Kormákur verður eini vefritstjórinn