Fyrri hluti af korti yfir menn sem hafa hlotið dóm fyrir barnaníð var birt í helgarblaði DV sem kom út síðastliðinn föstudag. Var þetta fyrsta umfjöllun í röð umfjallana um íslenska barnaníðinga í DV.
Samkvæmt útreikningum DV býr þriðjungur íslenskra barnaníðinga á höfuðborgarsvæðinu, þriðjungur hefur flúið land, fimmtán prósent búa á Norðurlandi og færri í öðrum landshlutum. Hér fyrir neðan birtist brot úr umfjölluninni, sá hluti sem snýr að höfuðborgarsvæðinu. Er listinn yfir þá barnaníðinga sem búa á höfuðborgarsvæðinu sem birtist hér fyrir neðan ekki tæmandi listi þar sem seinni hluti korts DV birtist í næsta helgarblaði DV sem kemur út næstkomandi föstudag, þann 26. september.
Upplýsingar um brotin eru fengnar úr opinberum gögnum. Einstaklingarnir sem tilgreindir eru hér hafa allir verið sakfelldir fyrir héraðsdómi og dæmdir til fangelsisvistar og í öllum tilfellum eru brotaþolar fleiri en einn, fyrir utan eitt tilfelli. Vert er að taka fram að við vinnslu greinarinnar var meðal annars notast við upplýsingar úr Þjóðskrá sem og staðfestar heimildir. Í sumum tilfellum er stuðst við seinasta skráða heimilisfang viðkomandi einstaklings.
Karl Vignir Þorsteinsson – miðbær, 101 Reykjavík
Dómur: Sjö ára fangelsi
Fjöldi brotaþola (sem vitað er um): 50+
Brotasaga Karls Vignis nær áratugi aftur í tímann en hann hefur viðurkennt opinberlega að hafa misnotað allt að 50 börn og brotin sem hann var dæmdur fyrir voru framin á árunum 1995 til 2012. Karl Vignir losnaði úr fangelsi í fyrra og leigir nú litla íbúð nálægt Hlemmi, með útsýni yfir leikvöll.
Ómar Ragnarsson – Laugarneshverfi, 105 Reykjavík
Dómur: Þriggja og hálfs árs fangelsi
Fjöldi brotaþola (sem vitað er um): 2
Ómar Ragnarsson fékk æru sína uppreista árið 1995 vegna dóms sem hann hlaut árið 1978 fyrir að nauðga hrottalega tveimur ungum stúlkum. Önnur var fjórtán ára, en hin var aðeins 12 ára. Fyrir þetta fékk hann tveggja og hálfs árs fangelsisdóm. Árið 2009 var hann dæmdur í Noregi fyrir að ráðast á 10 ára stúlku í Jernbane-skóginum í Sirevåg með hníf og nauðga henni. Hann var fyrst dæmdur í Noregi í þriggja ára og níu mánaða fangelsi. Dómnum var áfrýjað og var dómurinn þá lengdur. Einnig fann lögregla mikið magn af barnaklámi á heimili hans.
Ólafur Barði Kristjánsson – Breiðholt, 111 Reykjavík
Dómur: 18 mánaða fangelsisvist
Fjöldi brotaþola (sem vitað er): Þrír
Ólafur Barði Kristjánsson var dæmdur í tveggja ára fangelsi árið 2006 fyrir kynferðisbrot gagnvart fimm ungum stúlkum á árunum 1999 til 2005 og einni fyrir að hafa í vörslu sinni ljósmyndir sem sýndu börn á klámfenginn hátt, þar á meðal þrjár þeirra stúlkna sem hann braut gegn en þær voru á aldrinum fjögurra og upp í tólf ára þegar brotin áttu sér stað og tengdust dætrum Ólafs vináttuböndum. Ólafur áfrýjaði málinu til Hæstaréttar sem stytti dóminn niður í 18 mánuði. Sumarið 2011 var Ólafur aftur tekinn með barnaklám og fundust þá 15.327 slíkar ljósmyndir og níu hreyfimyndir í tölvu hans. Hlaut hann fimm mánaða fangelsisdóm. Ólafur er í dag skráður til heimilis í Breiðholti. Í júní á seinasta ári greindi DV frá því að hann starfaði annað slagið við afgreiðslu í nytjamarkaðinum Von og björgum.
Jesse John Kelley – miðbær, 101 Reykjavík
Dómur: Átta mánaða fangelsisvist
Fjöldi brotaþola (sem vitað er): Einn
Jesse John Kelley, Íslendingur búsettur í miðbæ Reykjavíkur, var árið 2013 dæmdur í átta mánaða fangelsi í Noregi fyrir ítrekuð brot gegn íslenskri stúlku, en Jesse er bróðir stjúpföður stúlkunnar. Stúlkan var aðeins 14 ára gömul og játaði Jesse sök. Fyrir dómi sagði hann að ofbeldið hefði staðið yfir í um þrjá mánuði og að á þeim tíma hefði hann nauðgað henni 5 til 10 sinnum.
Ekki missa af nýjasta helgarblaði DV:
