Hinsegin dagar ná hámarki í dag með Gleðigöngunni sem hefst kl. 14. Í Gleðigöngunni sameinast lesbíur, hommar, tví- og pankynhneigðir, trans fólk, intersex fólk og aðrir hinsegin einstaklingar í einum hópi ásamt fjölskyldum sínum og vinum til að staðfesta tilveru sína og minna á baráttumál sín.
Ný gönguleið er í Gleðigöngunni í þetta skiptið. Gleðigangan leggur af stað frá Hallgrímskirkju á Skólavörðuholti kl. 14. Gengið verður eftir Skólavörðustíg, Bankastræti, Lækjargötu, Fríkirkjuvegi og endað á Sóleyjargötu við Hljómskálagarðinn þar sem taka við glæsilegir útitónleikar að göngu lokinni.
Kort af gönguleiðinni er hér að neðan.
Sjá einnig hinsegindagar.is/gleðigangan
