Það eru ekki bara menntaskólanemar sem útskrifast um þessar mundir, en í gær útskrifuðust sex fíkniefnaleitarhundar úr námskeiði sem haldið var á vegum lögreglunnar á Norðurlandi vestra og Menntaseturs lögreglunnar.

Manne, Rökkvi, Tindur og bræðurnir, Gonní, Bylur og Stormur höfðu verið á námskeiðinu síðan í febrúar. Þeir stóðust allir prófið sem er ekki amalegt en prófdómararnir komu frá Metropolitan-lögreglunni í Bretlandi.

Þetta staðfestir Steinar Gunnarsson í samtali við blaðamann, en Steinar var yfirþjálfari námskeiðsins sem fór fram á Hólum í Hjaltadal.

Útskriftarathöfnin sjálf, sem fór fram í gærkveldi var vegleg. Heiðursgestur athafnarinnar var Michael Nevin, sendiherra Bretlands.