DV greindi frá því þann 30. júlí að víkingasveitin hefði verið kölluð út á Suðurnesjum rétt fyrir miðnætti þann 29. júlí. DV vitnaði í fréttavef Víkurfrétta sem er gamall og gróinn miðill á Suðurnesjum.
Í fréttinni sagði að átök hefðu átt sér stað á gistiheimili á Ásbrú og að vopn hefðu verið notuð. Þá var einnig sagt að sjúkrabíll hefði verið kallaður á staðinn. Þá sagði einnig að gistiheimilið væri á vegum Útlendingastofnunar.
Allt var rétt í fréttinni, nema að gistiheimilið er ekki á vegum Útlendingastofnunar og því ekki um hælisleitendur að ræða. Andstæðingar hælisleitenda hafa reynt að nýta sér villuna sínum málstað til framdráttar. Er það miður.
DV harmar að hafa vitnað í Víkurfréttir og ekki leitað staðfestingar. DV biðst afsökunar.
Kristjón Kormákur / Ritstjóri dv.is