fbpx
Mánudagur 19.ágúst 2019  |

DV - Frjáls og óháður miðill

Sandkorn

Kata fattar

Fréttir

Sannur fulltrúi þjóðarinnar

Kolbrún Bergþórsdóttir
Föstudaginn 27. janúar 2017 08:39

Ekki missa af Helstu tíðindum dagsins í pósthólfið þitt

Lesa nánar

Þegar einstaklingar öðlast skyndilegan frama þá er tekið eftir því hvernig þeir bregðast við. Það getur verið erfitt að stíga skyndilega fram í sviðsljósið þar sem minnstu mistök verða að fréttaefni, jafnvel miklu fremur en það sem vel er gert. Nýr forseti okkar, Guðni Th. Jóhannesson, hefur allt frá því hann tók við embætti, fyrir ekki ýkja mörgum mánuðum, verið þjóðinni til mikils sóma. Í skoðanakönnunum skorar hann hátt og það er gleðilegt til þess að vita að þjóð, sem getur verið ærið tortryggin, skuli allavega treysta einum af ráðamönnum sínum.

Forsetinn er líklegur til að hafa enn vaxið í áliti hjá þjóðinni eftir fyrstu opinberu heimsókn sína erlendis. Danmerkurheimsókn forsetahjónanna var sérlega vel heppnuð og það var óvenju hlýlegur blær yfir henni, ekki þessi stirði og kaldi virðuleiki sem við sjáum mjög oft í fréttamyndum af heimsóknum þjóðhöfðingja og þjóðarleiðtoga. Þar réð sennilega mestu hversu alþýðleg og vingjarnleg íslensku forsetahjónin eru. Þau eru greinilega ekki gefin fyrir að setja sig í snobbstellingar og það er venjulega létt yfir þeim.

Ræður forsetans og drottningar voru meira að segja að hluta til á léttum nótum. Það hefur líklega glatt fjölmarga aðdáendur Andrésar andar að bæði Danadrottning og Guðni minntust á hann í ræðum sínum. Andrés önd á allt gott skilið og það er vel að hann skuli í hávegum hafður í konunglegum sölum.

Forsetinn gerði lukku í Danaríki og talaði dönsku eins og ekkert væri, og mörgum Íslendingum (líkt og Dönum) finnst örugglega að þar hafi hann unnið töluvert afrek. Forsetinn kom víða við í heimsókn sinni, talaði meðal annar á ráðstefnu um þjóðernishyggju og popúlisma sem nú færast í aukana víða um heim. Uppgangur öfgahreyfinga er uggvænleg staðreynd og ráðamönnum alls staðar í heiminum ber skylda til að stíga fram, tala máli mannréttinda, minna á umburðarlyndi og náungakærleik og vara við heift og hatri. Þetta hefur forsetinn gert oftar en einu sinni og mun örugglega halda því áfram. Næg eru tilefnin og ærin munu þau verða, því miður.

Forsetinn hefur oftar en einu sinni lagt áherslu á að hann ætli í embætti fá að vera hann sjálfur. Hann virðist vera hjartahlýr og kærleiksríkur maður, ekki gefinn fyrir glamúr og glys. Sannur og heill og manna ólíklegastur til að breytast í puntudúkku. Það er vel.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

WOW var orðið ógjaldfært um mitt ár 2018

WOW var orðið ógjaldfært um mitt ár 2018
Fréttir
Fyrir 2 dögum

Gleðigangan er í dag

Gleðigangan er í dag
Fréttir
Fyrir 2 dögum

Ástþór Magnússon ósáttur við aðgerðarleysi lögreglu – „Merkilegt að lögreglan stuðli að svona glæpastarfsemi“

Ástþór Magnússon ósáttur við aðgerðarleysi lögreglu – „Merkilegt að lögreglan stuðli að svona glæpastarfsemi“
Fréttir
Fyrir 2 dögum

Matvælastofnun hvetur fólk til að gæta að þessu þegar hamborgarar eru bornir fram

Matvælastofnun hvetur fólk til að gæta að þessu þegar hamborgarar eru bornir fram
Fréttir
Fyrir 3 dögum

Kári segir mistök hafa verið gerð: Íslensk erfðagreining tekur ekki afstöðu í Orkupakkamálinu

Kári segir mistök hafa verið gerð: Íslensk erfðagreining tekur ekki afstöðu í Orkupakkamálinu
Fréttir
Fyrir 3 dögum

Kristín Ýr tjáir sig um uppsögnina: „Jú það er rétt, niðurskurðarhnífurinn náði til okkar“

Kristín Ýr tjáir sig um uppsögnina: „Jú það er rétt, niðurskurðarhnífurinn náði til okkar“
Fréttir
Fyrir 3 dögum

Hallur vill rannsókn á rannsakendum Geirfinnsmálsins – „Kolsvart myrkur og taumlaus illska“

Hallur vill rannsókn á rannsakendum Geirfinnsmálsins – „Kolsvart myrkur og taumlaus illska“
Fréttir
Fyrir 3 dögum

Sýning Gagarín á Þingvöllum með tvenn alþjóðleg verðlaun

Sýning Gagarín á Þingvöllum með tvenn alþjóðleg verðlaun