fbpx
Miðvikudagur 22.maí 2019

DV - Frjáls og óháður miðill

Fréttir

Konur biðu afhroð í prófkjörum Sjálfstæðisflokksins

Bjarni Benediktsson leiðir listann í Kraganum og Páll Magnússon í Suðurkjördæmi

Björn Þorfinnsson
Sunnudaginn 11. september 2016 10:08

Ekki missa af Helstu tíðindum dagsins í pósthólfið þitt

Lesa nánar

Þær konur sem buðu sig fram í prófkjörum Sjálfstæðisflokksins um helgina hlutu ekki náð fyrir augum kjósenda. Framkvæmdastjórn Landsambands sjálfstæðiskvenna sendi út fréttatilkynningu þar sem fram kom að stjórnin harmaði þá staðreynd að fjórir karlmenn væru í efstu sætum flokksins í Suðvesturkjördæmi.

Bjarni Benediktsson varð efstur í kjördæminu, Jón Gunnarsson í öðru sæti, Óli Björn Kárason í því þriðja og Vilhjálmur Bjarnason í fjórða sæti. Efsta konan var Bryndís Haraldsdóttir í fimmta sæti en hún skaust fram úr stöllu sinni, Kareni Elísabetu Halldórsdóttur á lokametrunum. Athygli vakti að alþingiskonan Elín Hirst fékk slæma kosningu.

Niðurstaðan í Suðurkjördæmi var ekki heldur beysin fyrir Sjálfstæðiskonur. Páll Magnússon vann öruggan sigur, Ásmundur Friðriksson varð annar og Vilhjálmur Árnason þriðji. Sitjandi ráðherra, Ragnheiður Elín Árnadóttir, galt afhroð og varð í fjórða sæti. Unnur Brá Konráðsdóttir, alþingismaður, varð síðan í því fimmta.

Í samtali við Visir.is segir Helga Dögg Björgvinsdóttir, formaður Landssambands Sjálfstæðiskvenna að hún sé „í sjokki yfir þessu. Okkur finnst þetta ekki nægilega sterkur listi til þess að ná árangri í kosningunum og skiljum hreinlega ekki hvernig svona getur gerst.“

Ljóst er að mikill þrýstingur verður á forystu Sjálfstæðisflokksins að bregðast við niðurstöðunni og rétta hlut kvenna á listum flokksins.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 11 klukkutímum

Forstjóri Sýnar botnar ekkert í RÚV: „Kostulegt og kannski efni í áramótaskaup ef út í það er hugsað“

Forstjóri Sýnar botnar ekkert í RÚV: „Kostulegt og kannski efni í áramótaskaup ef út í það er hugsað“
Fréttir
Fyrir 13 klukkutímum

Laus úr fangelsi eftir að hafa bitið tunguna úr eiginmanni sínum í Reykjavík

Laus úr fangelsi eftir að hafa bitið tunguna úr eiginmanni sínum í Reykjavík
Fréttir
Fyrir 17 klukkutímum

Tveir hafa kvartað vegna Sigríðar: Telja hana vanhæfa til að sitja í nefnd um ráðningu nýs seðlabankastjóra

Tveir hafa kvartað vegna Sigríðar: Telja hana vanhæfa til að sitja í nefnd um ráðningu nýs seðlabankastjóra
Fréttir
Fyrir 17 klukkutímum

Hótaði að berja starfsfólk verslunarinnar ef hann fengi ekki nammipokann aftur

Hótaði að berja starfsfólk verslunarinnar ef hann fengi ekki nammipokann aftur